الجمعة، ١٨ مايو ٢٠٠٧

كـفــــايـه حـــــرام

كفايه حرام
تعبت من الضلام
متنور شويه
عمتلي عنيه
ومكتف اديه

كفايا حرام
ده انا صعبت عليا
نفسي وهيه
جواها مستخبيه

كفايا حرام
دماغي بتاكلني
وقلبي بيرعش
وعيني بتدمع زباله وسخام

كفايا حرام
عمال تقول سلام
ياعم روح نام
هو في سلام
مع ولاد الحرام ...!؟

كفايا حرام
جبتلنا الكلام
ورب الامام
لتشوف ايام
اظلم من الظلام

كفايا حرام
كتفها تمام
وماسك حزام
وان جت تفلفص
يشد اللجام

كفايا حرام
يا ئبن الغبيه
دي مصر البهيه
فارقها شويه
هترجع صبيه
وترجع شبابها
رجاله عفيه

كفايا حرام
ياعم كفايا احه
بطل تشلحها
كفايا دي برضو امك
ولا انت ابن احبه

كفايا حرام
مترحم ياعم
وكفايا هم
معندكش دم ....!؟

كفايا حرام
معدش كلام
اوففففففففففففففففف
ســـــلام

الأحد، ١٥ أبريل ٢٠٠٧

قســــــمة و ضـــــــرب و نصيــــــــب

قسمة

قسمة سياسة
قسمتها حكومات
تقسم بيها قوت الشعوب
وتقسم ضهورهم بتقسيمة ظالمة
وما يقبلش قسمة
الا حرامي جعان
و باقي القسمه عشان
الغلبان

و

ضرب

ضرب عالي
يتوه عقول
يخلي المفتح ينادي يقول
انا اهضرب احسن ما اتنضرب كرمتي في اخر الطبور

و

نصيب

نصيب زي اليا ناصيب
ينصبوا الاعيب
مطرح ما تصيب
ينصاب الضريب

ماهي ========> قسمة وضرب ونصيب

الخميس، ١٢ أبريل ٢٠٠٧

عليا الحرنكش

كتب الشاعر الكبير احمد فؤاد نجم

: عليا الحرنكش يا ريس مبارك
فى عصرمزركش ملون بنارك
لابايعك وأبايع حكومة حمارك

ملعون أبو اللى يقدريقاطع قرارك
نهاره مقندل وليله مبارك
فهمبك وهجص وطلع فى ديننا

أكيد هو طالع يشاهد جمالك
جمالك مبارك سوزانك سوزاننا
يا محلا حصارك لمصر اللى جالنا
نسيمها فى عصرك بيشوى ف بدنا
أؤيد وأبايع فخامة جلالتك

وأيد أى واحد بيمسح ريالتك
ولأنك سر باتع هاننسى هبالتك
فأقعد يا ريس ودلدل حمامتك

حمامة السلام حمامتك ياريس
سلامة الحمامة وسلامتك ياريس
ياريس حمامة ياريس كويس
على تل مصر ياريتك تهيص
خرابة فسيحة عليها تميس

وأأمر تطاع فشعبك مفيص